久别18年， 荔园 终于係听日26/6开幕！作为香港人的集体回忆，当中多个元素都将旧荔园装置和角色重新包装，与大家再次见面，今日我哋获邀请率先去「 荔园Super Summer 2015」试玩！

去试玩前，我哋係门口巧遇「宝猪妹」，原来佢18年前同发哥係荔园一见锺情，仲私定埋终身，点知发哥不迟而别，宝猪妹一等就等咗十八年，相信当年发哥今日都变咗发叔，叫佢咁伤心，我哋邀请埋佢一齐试玩！

1.荔园城堡　所需金币：免费

一去到门口，就见到呢个经典高10米嘅城堡，保留咗招牌红、蓝、绿3色设计和霓虹灯荔园招牌，就算你唔入去都可以影张相打个龙啦！

2.机械版天奴　所需金币：１个

虽然天奴死咗，不过机械版天奴都有佢嘅影子，仲可以抛假蕉过佢死，天奴仲会每２０分钟屙一次屎，不过抛假蕉唔洗晒一个金币去抛假蕉俾佢食，睇人抛下咪算啰！

3.恐龙屋滑梯　所需金币：成人４个、小童２个

对新恐龙屋有点失望，旧恐龙屋可以入去睇唔同嘅恐龙装置，但新恐龙屋只得尾部一条滑梯，都係个句，影张相打龙就算，唔洗晒钱玩！

4.童真叮叮船　所需金币：成人４个、小童２个

与当年的叮叮船接近完全一样，最像真当然係船头嘅大叮叮钟，童年回忆番晒嚟！

5.碰碰车　所需金币：成人6个、小童3个

可谓全场最动感的机动游戏，车速不会过猛，小朋友都啱玩！　

6.咖啡杯　所需金币：４个

当年有几多对情侣，都係荔园嘅咖啡杯转出感情来？今日咖啡杯都係几浪漫，不过，个餐厅品牌Logo就谋杀咗少少风景！

7.粤语残片贴纸相机　所需金币：5个

以武侠粤语长片为主题的贴纸相机，大家可摆出各种粤语长片的招式，如万佛朝宗、降龙十八掌等，贴纸相机会即场加製背景和特效！

8.校园鬼屋　所需金币：8个

场内最贵的活动，与Apps融合和观众互动玩捉鬼，几有新鲜感，但场地较其他主题乐园细，演员也少得多，常玩鬼屋的朋友可能会失望！

9.旧荔园展示区　所需金币：免费

「好时光收集箱」，以展品、影片和相片向大家展示旧荔园时光，老一辈怀缅，也让后生一辈有个了解旧香港的机会。

10.小露宝蛋糕　所需金币：免费

这座4层高的「小露宝蛋糕」，共有66个小露宝，以庆祝荔园成立66周年。

荔园Super Summer 2015

日期：26/6 – 9月初 (约70天)

时间：11am – 11pm

地点：中环新海滨

更多荔园详情：

荔园Super Summer 50景点曝光！$0+快证＋中伏位攻略！

荔园重现中环！十大怀旧玩乐设施率先睇！

新假期食玩报料：wwjetso@gmail.com

欢迎Instagram / facebook 使用#weekendhk 报料，资料一经选中会为你公告天下！